Për të shmangur reklamat, kompania ju thotë përdoruesve të blejnë një abonim YouTube Premium në mënyrë që edhe krijuesit të paguhen për punën e tyre.
YouTube ka vendosur të marrë një qasje më agresive për të parandaluar shikuesit të përdorin bllokuesit e reklamave ndërsa shikojnë videot.
BleepingComputer raportoi se përdoruesit kanë postuar imazhe në rrjetet social si Reddit ku tregohet një njoftim në formë paralajmërimi se nuk mund të shohin më video pasi kanë parë tre të tilla.
Njoftimi thotë se YouTube nuk do të lejojë përdoruesit të luajnë video në platformë vetëm nëse çaktivizojnë bllokuesin e reklamave ose e shtojnë uebsajtin në listën e lejuar.
“Reklamat janë ato që bëjnë të mundur që YouTube të jetë i qasshëm pa pagesë për miliarda përdorues në mbarë botën,” vijon njoftimi.
Për të shmangur reklamat, kompania ju thotë përdoruesve të blejnë një abonim YouTube Premium në mënyrë që edhe krijuesit të paguhen për punën e tyre.
Përpara këtyre njoftimeve, YouTube tregonte vetëm pop-up përdoruesve që kanë një bllokues reklamash duke ju kujtuar se është në kundërshti me termat e përdorimit të shërbimit të uebsajtit.
YouTube tha BleepingComputer se njoftimet e reja janë pjesë e një eksperimenti. Fillimisht vetëm një numër i kufizuar i përdoruesve janë prekur ndërsa YouTube nuk specifikoi saktësisht numrin e tyre e as vendet ku po testohet.
Reklamimi është burimi kryesor i të ardhurave të platformës.
