Gjilan – Pas shumë viteve të humbura nga një proces i montuar me një aktakuzë të çoroditur të gjithë ish zyrtarët komunal, që janë ndodhur dhe atakuar nga ky proces i njohur si “Grupi i Gjilanit”, do të kthehen në vendet e tyre të punës.19 zyrtar komunal nga sot fillojnë punën ndërsa dy kanë vdekur ndërkohë.
I njohur si “Grupi i Gjilanit” ndaj të cilit u shkaktua një padrejtësi që do të hyjë në analet e drejtësisë për shkelje ekstreme të rënda, nga sot të gjithë 19 ish zyrtarët komunal pritet të kthehen në vendet e tyre të punës, kjo sipas Ligjit për shërbyes civil.
Gjykata e Apelit duke parë gabimet trashanike në këtë proces i shpalli përfundimisht të pafajshëm, duke vërtetuar vendimin e shkallës së parë të Gjykatës së Pejës.
Lajmin për kthimin në vendet e tyre e ka bërë publik ish kreu i Gjilanit Qemajl Mustafa.
“Siç e kuptova sot me 14 Nëntor 202 të gjithë zyrtarët e liruar nga akuzat do të kthehen në komunë, në vendet e tyre të punës pas shumë viteve të mungesës së dhunshme atje. Më besoni, kur shoku e kolegu i jonë Azem Mujku ma kumtoi këtë lajm sot kah mbrëmja, u gëzova shumë. Kthimi në vendet e punës për zyrtarët e ndaluar e të persekutuar rëndë para së gjithash është kthim i vonuar i dinjitetit të tyre të nëpërkëmbur, është kthim i vonuar i lirisë dhe i të drejtës elementare për punë e për karrierë. Është ri integrim e risocializim i vonuar në mesin e tyre të ndaluar shoqëror e profesional për vite me radhë. Ky kthim, është poashtu një infuzion i fuqishëm në shtyrjen përpara të proceseve zhvillimore për komunën dhe është sadopak një satisfaksion tepër i vonuar edhe për familjet e tyre” ka shkruar Mustafa./rajonipress
